Menu
سعيدين بوجودك بصفحة أوودي الالكترونية!
احنا متأكدين انك راح تحب انه تكون ويانه وتختار أوودي كمزود خدمة للاتصالات و لأسلوب الحياة الرقمي بعدما تعرف مميزات أوودي:
نتفهم انه احتياجات كل شخص تختلف، ولهذا سوينا باقات مرنه تسمحلك ان تصمم باقتك حسب اللي يناسبك وعلى مزاجك
وتگدر بأي وقت تزيد گيگات، دقائق، أو رسائل.
شبكتنا مصممة حتى توفر أفضل تغطية واقصى سرعة بالعراق، راح تگدر تبقى على تواصل وين ما تكون.
ويه أوودي، تگدر تستمتع بخدمة مريحة وغير متقطعة بأي مكان تكون بيه
دائما نضيف خدمات جديدة حتى تبقى مطلع على أحدث التريندات والتقنيات.
استخدام مجاني للانترنت لمجموعة من التطبيقات ( فيس بوك، انستغرام، تيكتوك،سناب جات، انغامي، يوتيوب، ببجي، يلا لودو، Busuu ) وغيرها من تختار باقة بقيمة 30 ألف دينار أو أكثر.
ابقى مستمتع ومتواصل بدون أي استقطاع من گيگاتك.
اختار رقم يعبر عن شخصيتك او اختار رقم من القائمة
تگدر تشوف استخدامك وصرفياتك بأي وقت تريد، يعني ما راح يكون أكو مفاجآت
1. شلون اگدر احصل على شريحة أوودي؟
تگدر تطلب شريحتك مباشرة من تطبيق أوودي. اختار المكان اللي تريد نوصلك الشريحة عليه، اختار الوقت اللي يناسبك، وتابع توصيل شريحتك من التطبيق من يصير وقت التوصيل قريب. اذا كنت تريد تغير وقت التوصيل او المكان، تگدر تسويها من التطبيق بكل سهولة قبل ليبدي مندوبنا رحلة توصيل الشريحة، لا تدير بال اذا راح عليك الموعد، تگدر تحدد موعد ثاني. اذا مگدرنا نوصلك الشريحة بعد محاولتين راح نلغي الطلب.
2. شنو هي أوودي؟
أوودي هي خدمة اتصالات وأسلوب حياة رقمي أطلقتها زين العراق (اثير للاتصالات المحدودة) في ايار 2021 لخدمة مستخدمي الخدمات الرقمية بأفضل صورة.
من البداية الى النهاية، تگدر تتحكم بكلشي يتعلق بحسابك مباشرة من التطبيق، كلش سهل الحصول على خدمات أوودي واستخدامها. بأوودي نحب ننطيك حرية الاختيار، بعد متحتاج تتعب وتزور مراكز البيع، أوودي وفرتلك كلشي من الألف الى الياء، مع هدايا أكثر وجوائز أكثر ومفاجآت أكثر!
3. اگدر استخدم خطي الزين نفسه؟
اكيد تگدر! من التطبيق تگدر تختار تحويل رقمك لأوودي.
4. شلونها تغطية الشبكة؟
احنا نوفر أسرع +4.5G من شبكة زين.